Policia e Kosovës apelon tek qytetarët të kenë më shumë kujdes gjatë ngasjes kur ka prezencë të mjegullës e cila ndikon në zvogëlimin e dukshmërisë.

Me anë të një komunikate për media nga Policia thuhet se çdo vit si pasojë e mjegullës që shfaqet në rrugë, shkaktohen aksidente të shumta.

“Kërkohet vëmendje e shtuar gjatë ngasjes kur ka prezencë të mjegullës e cila ndikon në zvogëlimin e dukshmërisë. Çdo vit, si pasojë e mjegullës që shfaqet në rrugë, shkaktohen aksidente të shumta. Mos harroni se ngasja në mjegull mund të jetë e rrezikshme! Mbani në vëzhgim rrugën për ndryshime të papritura të dukshmërisë”, njofton Policia, shkruan Arbresh.info

Policia e Kosovës apelon tek të gjithë pjesëmarrësit në trafik për kujdes dhe përshtatje të shpejtësisë ndaj kushteve në rrugë.